Barthélemy Boganda (n. la 4-an de aprilo 1910 - m. la 29-an de marto 1959) estis la ĉefa naciista politikisto de Centr-Afrika Respubliko antaŭ ties sendependiĝo, kiam tiu regiono estis konita kiel Ubangi-Ŝari kaj ankoraŭ apartenis al Ekvatora Franca Afriko, kolonia teritorio administrita de Francio. Li fariĝis la unua ĉefministro de la centr-afrika aŭtonoma teritorio.
En 1958, post kiam la Kvara Franca Respubliko ekkonsideris sendependigi siajn afrikajn koloniojn, Boganda renkontis la ĉefministron Charles de Gaulle por diskuti pri la kondiĉoj de la sendependiĝo de Ubangi-Ŝari. De Gaulle akceptis la proponon de Boganda, kaj la 1-an de decembro proklamis Boganda la kreadon de Centr-Afrika Respubliko, kiu unue estis nur aŭtonoma teritorio. Li fariĝis la unua ĉefministro de la aŭtonoma teritorio, kaj cetere intencis fariĝi la unua prezidento de sendependa Centr-Afrika Respubliko. Boganda tamen mortis okaze de mistera aviadilakcidento la 29-an de marto 1959, dum flugo direkte al Banguo. Ekspertoj detektis spurojn da eksplodaĵoj en la vestiĝo de la aviadilo, sed tiu detalo estis preteratentita. Kvankam la responsuloj de la akcidento estis neniam certe identigitaj, oni interalie suspektis francan spionagentejon aŭ eĉ la propran edzinon de Boganda. Legu pli...
Pasintaj artikoloj de la semajno : Necesejoj en Japanio, Orgeno, Historia Naturalis Brasiliae
4 interesaj faktoj el relative novaj artikoloj
Faktoj el jam delonge ekzistantaj artikoloj
Por la Esperanta Vikipedio validas GFDL, la Permesilo de GNU por Liberaj Dokumentoj. GFDL estas por dokumentoj tio, kio GPL estas por programoj. Ne enmetu ĉi tien dokumentojn protektitajn de leĝo pri kopirajto. Se vi uzas Vikipedion kiel fonton por viaj verkoj, publikaĵoj aŭ sur viaj paĝoj, bonvolu laŭeble indiki la fonton -- tio helpos al la projekto!!
|
|
- 11-a de novembro
- 10-a de novembro
- Miriam Makeba, la mondfama sudafrikana kantistino, plej bone konata de siaj fervoruloj kiel "Mama Afrika" mortis hieraŭ je la aĝo de 76 jaroj, post lasta koncerto.
- 9-a de novembro
- Hodiaŭ, tre precize je 13:02, startas la Vendée Globe, sporta evento kiu konsistas en ĉirkaŭiri velŝipe la mondon, sole, sen halto kaj sen ekstera helpo. 30 skiperoj partoprenos en tiu defio.
|
|
![Grafika:Other-langs2.png [pl]](/pl/wiki/Grafika:Other-langs2.png.html){kind=link}